Home > Health Articles > How to Quit Smoking: Smoking Chorne Ki Tip

How to Quit Smoking: Smoking Chorne Ki Tip

How to Quit Smoking: Smoking Chorne Ki Tip

Hum sub hi iss bat se bakhubi wakif hain ke smoking karna sehat ke liye acha nahi hai. Smoking karne se bohat si tarhan ke khatre hote hain. Smoking karne se cancer aur saans ki bimariya hojati hain. Iske alawa is ke aur bhi bohat nuksan hain.

Hum ne abhi bataya ke smoking karne ke itne nuksan hote hain tou kiyo ise kar ke hum apni sehat ko kharab kar rahe hain. Jis tarhan ek taraf ise karne se nuksan hi nuksan hai wahin ise chorne ke faide hi faide hain.

Aap ko shayad is baat ka yakin nahi hoga lekin aap jis din se smoking karna chorte hain, aap ki sehat par usi din se asar nazar aane lagta hai. Darasal jub hum smoking chorte hain tou humari body se nikotin aur carbon mono oxide ka asar khatam hone lagta hai.

Lekin yeh koi jadu nahi hai ke 1 hi ghante mai yeh body se khatam hojae. Body se is ka asar khatam hone main takriban 2 din ke aaspas ka wakt lagta hai. Aur ab hum aap ko How to Quit Smoking aur is se milne wale faidon ke bare main bataien ge.

Janiye Benefits of Quitting Smoking aur Paiye Behtar Sehat

Yeh zyadatar logon main dekha gaya hai ke agar un hain kisi kaam ko karne ka kaha jaye to wo 2 se 4 din tak ise karte hain phir chor dete hain. Lekin jab kisi ko uss kaam ko karne se hone wale faido ke bare main bataya jaye to woh motivated ho kar uss kaam ko bohat hi dil lagakar karte hain. Is liye iss article main hum bhi aap ko smoking ko quit karne ke tariko se pehle uss se milne wale faido ke bare main batana chahenge. Tou aaiye jane is ke faido ke bare main.

Wazan Ko Control Rakhen

Hum ne humesha se yeh dekha hai ke jo log smoking karte hain. Un ka jism bohat hi dubla hota hai. Lekin jab smoking chorte hain tou un ka wazan barh jata hai. Un ki jisamat aam logon ki tarah bharne lagti hai. Darasal kuch logo par ki gai study se yeh bat samne aai hai ke  smoking chorne se un logon ko bhook thik se lagne lagti hai. Aur as wajah se pehle 2 hafton mai 2 se 4 pound wazan aur aane wale 4-5 mahino mai 7 pound tak wazan barh jata hai.

Smoking chorne ki tip

Podine ki chae

Khana khane ke baad cigarette ke aadi hazraat cigarette zaror pitey hain in ko chahiye ke cigarette piney ki bajae ek cup podine wali chae piyen jis se haazma bhi mutasir nahi hoga aur cigarette se bhi chutkara hasil hojae ga.

Article By Marina Khan

 

Comments

comments

Leave a Reply